លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានបញ្ជាដឹកនាំកម្លាំងជំនាញព្រហ្មទណ្ឌស្រុក ចុះសហការជាមួយកម្លាំងប៉ុស្តិ៍នគរបាលរដ្ឋបាលបាសាក់ បានធ្វើលិខិតកោះហៅក្មេងទំនើង០១នាក់

 លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានបញ្ជាដឹកនាំកម្លាំងជំនាញព្រហ្មទណ្ឌស្រុក ចុះសហការជាមួយកម្លាំងប៉ុស្តិ៍នគរបាលរដ្ឋបាលបាសាក់ បានធ្វើលិខិតកោះហៅក្មេងទំនើង០១នាក់។

នៅថ្ងៃទី០៧ ខែមិថុនា ឆ្នាំ២០២៦ លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានបញ្ជាដឹកនាំកម្លាំងជំនាញព្រហ្មទណ្ឌស្រុក ចុះសហការជាមួយកម្លាំងប៉ុស្តិ៍នគរបាលរដ្ឋបាលបាសាក់ បានធ្វើលិខិតកោះហៅក្មេងទំនើង០១នាក់មានទីលំនៅភូមិបាយ៉ាប ឃុំបាសាក់ ស្រុកស្វាយជ្រំ ខេត្តស្វាយរៀង ដែលបានជិះះម៉ូតូដើរបង្កអុកឡុកនៅក្នុងឃុំបាសាក់ ស្រុកស្វាយជ្រំ និងនៅក្នុងក្រុងស្វាយរៀងនាពេលកន្លងមក ដើម្បីសួរនាំ។ 

 នៅចំពោះមុខសមត្ថកិច្ចក្មេងទំនើង បានឆ្លើយសារភាពថាកាលពីថ្ងៃទី១៥.០៥.២០២៦ វេលាម៉ោង១៣:៣០នាទីខ្លួននិងមិត្តភ័ក្រ្តជាច្រើននាក់បានបបួលគ្នាជិះម៉ូតូជាច្រើនគ្រឿងដើរបង្កអុកឡុកនៅឃុំបាសាក់ ស្រុកស្វាយជ្រំ និងនៅក្រុងស្វាយរៀងពិតប្រាកដមែន។

    

ដោយមានការឯកភាពពីលោកឧត្តមសេនីយ៍ទោ ស្នងការ និងឯកឧត្តម ខាំ សុផារី ព្រះរាជអាជ្ញាអមសាលាដំបូងខេត្តស្វាយរៀង បានអោយសមត្ថកិច្ចយើងធ្វើកិច្ចសន្យាអប់រំដល់ក្មេងទំនើងនិងអោយអាណាព្យាបាលធ្វើលិខិតធានាយកទៅផ្ទះវិញអប់រំបន្តកុំអោយធ្វើអ្វីខុសនិងផ្លូវច្បាប់បន្តទៀត។ 

ចំពោះម៉ូតូបបានដកហូតទុកនៅអធិការដ្ឋាននគរបាលស្រុកស្វាយជ្រំចំនួន៣ខែ។