ពន្ធនាគារខេត្តបាត់ដំបង បានរៀបចំកិច្ចប្រជុំបូកសរុបលទ្ធផលការងារប្រចាំខែមេសា និងលើកទិសដៅអនុវត្តការងារសម្រាប់ខែឧសភា ឆ្នាំ២០២៦

 ពន្ធនាគារខេត្តបាត់ដំបង បានរៀបចំកិច្ចប្រជុំបូកសរុបលទ្ធផលការងារប្រចាំខែមេសា និងលើកទិសដៅអនុវត្តការងារសម្រាប់ខែឧសភា ឆ្នាំ២០២៦ 

បាត់ដំបង ៖ លោកឧត្តមអគ្គានុរក្សថ្នាក់លេខ២ ឈឹម ចំណាន ប្រធានពន្ធនាគារខេត្តបាត់ដំបង បានដឹកនាំកិច្ចប្រជុំបូកសរុបលទ្ធផលការងារប្រចាំខែមេសា និងលើកទិសដៅការងារសម្រាប់ខែឧសភា ឆ្នាំ២០២៦ មានដូចខាងក្រោម ៖

-ផ្សព្វផ្សាយអនុសាសន៍ណែនាំ របស់ឯកឧត្តមអគ្គនាយកនៃអគ្គនាយកដ្ឋានពន្ធនាគារ ក្នុង ស្មារតីអង្គប្រជុំរបស់អគ្គនាយកដ្ឋានពន្ធនាគារកាលពីថ្ងៃទី៣០ ខែមេសា ឆ្នាំ២០២៦ តាមកម្មវិធី Zoom Meeting។

-ផ្សព្វផ្សាយសេចក្តីណែនាំ លេខ ០១៩ សណន ស្តីពីការប្រើប្រាស់ឯកសណ្ឋាន ស្លាកសញ្ញា និងសញ្ញាស័ក្តិមន្ត្រីពន្ធនាគារលើបណ្ដាញសង្គមផ្សេងៗ  របស់អគ្គនាយកដ្ឋានពន្ធនាគារ ក្នុងនោះលោកប្រធាន បានផ្ដល់អនុសាសន៍ណែនាំ និងទិសដៅអនុវត្តបន្តដល់មន្ត្រីក្រោមឱវាទដូចជា៖

១.ត្រូវយកចិត្តទុកដាក់ត្រួតពិនិត្យវត្តមានមន្ត្រីក្រោមឱវាទទាំងអស់ ឱ្យបានម៉ឺងម៉ាត់បំផុត

២.ថ្នាក់ដឹកនាំ និងមន្ត្រីទាំងអស់ ត្រូវបង្កើត App No Drug ក្នុងទូរស័ព្ទដៃ 

៣.ផ្សព្វផ្សាយផលប៉ះពាល់គ្រឿងញៀន ជាពិសេសមន្ត្រីត្រូវនៅឆ្ងាយពីគ្រឿងញៀន

៤.ពង្រឹងយកចិត្តទុកដាក់ក្នុងការប្រើប្រាស់ និងសន្សំសំចៃថាមពលអគ្គីសនី

៥.ពង្រឹងការត្រួតពិនិត្យ ឆែកឆេរ រុករកសម្ភារចូលក្នុងពន្ធនាគារ

៦.ត្រូវយកចិត្តទុកដាក់ និងមានទំនួលខុសត្រូវខ្ពស់ក្នុងការយាមគ្រប់គោលដៅទាំងអស់ ទាំងយប់ និងទាំងថ្ងៃ

៧.ពង្រឹងការត្រួតពិនិត្យ សុខភាព និងអនាម័យជនជាប់ឃុំ

៨.ថ្នាក់ដឹកនាំ រួមនឹងមន្ត្រីជំនាញការិយាល័យទាំងប្រាំ ត្រូវបន្តសហការការងាររួមគ្នា និងសាមគ្គី ភាពផ្ទៃក្នុងអង្គភាពឱ្យបានល្អប្រសើរ។ 

កិច្ចប្រជុំនេះមានការអញ្ជើញចូលរួមពីលោកអនុប្រធានពន្ធនាគារ ប្រធាន អនុប្រធានការិយាល័យទាំងប្រាំ  ប្រធានអនុប្រធានផ្នែក និងមន្ត្រីជំនាញពាក់ព័ន្ធ។

នៅព្រឹក ថ្ងៃទី៦ ខែឧសភា ឆ្នាំ២០២៦ នៅពន្ធនាគារខេត្តបាត់ដំបង។

រូបភាព ៖ ពន្ធនាគារខេត្តបាត់ដំបង