ពន្ធនាគារខេត្តសៀមរាប បានរៀបចំពិធីប្រកាសបន្ធូរបន្ថយទោសដល់ទណ្ឌិត ក្នុងឱកាសពិធីបុណ្យវិសាខបូជា ឆ្នាំ២០២៦
សៀមរាប ៖ អង្គភាពពន្ធនាគារបានរៀបចំពិធី ប្រកាសព្រះរាជក្រឹត្យលេខ នស/រកត/០៤២៦/៥២៣ ចុះថ្ងៃទី៣០ ខែមេសា ឆ្នាំ២០២៦ ស្តីពីការបន្ធូរបន្ថយទោសដល់ទណ្ឌិត ក្នុងឱកាសពិធីបុណ្យវិសាខបូជា ឆ្នាំ២០២៦ ក្រោមអធិបតីភាពលោក យិន មុនីរិទ្ធ ព្រះរាជអាជ្ញារង នៃអយ្យការអមសាលាដំបូងខេត្តសៀមរាប ពិធីនេះមានការអញ្ជើញចូលពី លោកឧត្តមអគ្គានុរក្សថ្នាក់លេខ២ ភាន ឆវ័ន្ត ប្រធានពន្ធនាគារ ព្រមទាំងថ្នាក់ដឹកនាំនិងមន្ត្រីពន្ធនាគារ មន្ត្រីលេខាដ្ឋានសាលាដំបូងខេត្តសៀមរាប និងជនជាប់ឃុំដែលមានចំណាត់ថ្នាក់សន្តិសុខទាបផងដែរ។
ក្នុងព្រះរាជក្រឹត្យខាងលើ ត្រូវបានបន្ធូរបន្ថយទោសដល់ទណ្ឌិតនៅពន្ធនាគារខេត្តសៀមរាប ចំនួន០៦នាក់ ស្រី ០០នាក់ មានដូចខាងក្រោម៖
- បន្ធូរបន្ថយទោសរយៈពេល៣ខែ ចំនួន០៣នាក់ ស្រី០០នាក់
- បន្ធូរបន្ថយទោសរយៈពេល៦ខែ ចំនួន០៣នាក់ ស្រី០០នាក់។
ថ្ងៃពុធ ទី៦ ខែឧសភា ឆ្នាំ២០២៦ នៅពន្ធនាគារខេត្តសៀមរាប។
រូបភាព ៖ ពន្ធនាគារខេត្តសៀមរាប